IniciosociedadeTraballadoras de Albo mobilízanse contra o peche da fábrica

Traballadoras de Albo mobilízanse contra o peche da fábrica

Permitir que o grupo empresarial Xangai Keichuang peche a planta, que leva en funcionamento desde 1924, deixaría na rúa 42 persoas, a maioría dunha idade de difícil reinserción laboral, sinala a CIG.

Publicada o

- Advertisement -

Traballadores da fábrica da conserveira Albo na localidade de Celeiro concentraranse este xoves para esixir que se manteña a actividade nas instalacións e piden á Xunta a súa intervención.

Tal como indicou a CIG nun comunicado, na primeira reunión da comisión de negociación do expediente de mobilidade xeográfica formulado pola empresa, a organización sindical volveu reclamar a continuidade da actividade en dita factoría e o mantemento de todos os postos de traballo.

Por iso, a CIG demandou tamén unha intervención “decidida” do Goberno galego para evitar un novo golpe no emprego e na industria da comarca da Mariña de Lugo. Así, aseguran que permitir que o grupo empresarial Xangai Keichuang peche a planta, que leva en funcionamento desde 1924, deixaría na rúa 42 persoas, a maioría dunha idade de difícil reinserción laboral.

“A mobilidade xeográfica que formula Albo non constitúe ningún tipo de alternativa para o 90% das traballadoras, para as cales a decisión empresarial vai ser traumática e non poden asumir este cambio a máis de 270 quilómetros dos seus fogares polo custo económico que lles supón”, lamentou Susana Riveira, da CIG da Mariña.

Por todo iso, este xoves as traballadoras comezarán cun calendario de concentracións e folgas para esixir as súas reivindicacións. Así, manifestaranse a partir das 15,00 horas diante da fábrica.

Ademais, para os días 27 e 29 de xuño e 4 e 6 de xullo están convocados paros parciais de dúas horas que se desenvolverán de 10,00 a 12,00 horas, con manifestacións en diferentes puntos da comarca durante ese tempo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...